ՍՈՎՈՐԵԼ. ԳՈՐԾԵԼ. ՀԱՄԱՍՏԵՂԾԵԼ
Ռուսաստանի էներգետիկ քաղաքականության վեկտորի փոփոխությունը և մրցակցությունը Թեհրանի ու Անկարայի միջև՝ ռուսական էներգակիրների տարանցման հանգույց դառնալու հարցում
Ռուս-ուկրաինական պատերազմի մեկնարկից հետո Ռուսաստանի դեմ արևմտյան պատժամիջոցների մեծ մասը միտված էր առաջին հերթին հարվածելու ՌԴ տնտեսության ամենակարևոր՝ էներգետիկ հատվածին։ Այդ իրադարձությունները արմատապես փոխեցին միջազգային էներգետիկ շուկայի կառուցվածքն ու կանոնները, ինչը իր հերթին Մոսկվային ստիպեց վերանայել իր էներգետիկ քաղաքականության առաջնահերթությունները։ Սույն հոդվածի շրջանակներում փորձել ենք վերլուծել Ռուսաստանի էներգետիկ քաղաքականության իրանական և թուրքական ուղղութունները՝ դիտարկելով ռուսական էներգակիրների արտահանման վեկտորի փոփոխությունները 2022թ. Ուկրաինայում ռազմական հակամարտության մեկնարկից ի վեր։ Փորձել ենք հասկանալ էներգետիկ հանգույց դառնալու հարցում Թուրքիայի հավակնություններն ու հնարավորությունները, ինչպես նաև գնահատել արդի պայմաններում Իրանի նոր դերը ՌԴ էներգետիկ քաղաքականության մեջ՝ այն դիտարկելով Հարավային Կովկասի երկրների վրա հնարավոր ազդեցության տեսանկյունից։
