Հասմիկ Թևոսյանը սովորում է Օքսֆորդի Համալսարանի Պարտադրված Միգրացիայի և Փախստականների գծով ծրագրի մագիստրատուրայում, որն ավարտելու է 2013 թ.-ի հուլիսին: Նա ստացել է մագիստրոսի կոչումներ Մերիլենդի և Երևանի Պետական Համալսարաններից սոցիոլոգիայի և հասարակական քաղաքականության ոլորտներում: 2007-2011 թթ. աշխատել է ԱՄՆ-ի Կոնգրեսի Գրադարանի Բաց Աշխարհ Կենտրոնում՝ որպես Օրենքի Գերակայության Ծրագրի գծով խորհրդատու: 2006 թ.-ին` նախքան ԱՄՆ տեղափոխվելը, աշխատել է Միգրացիայի Միջազգային Կազմակերպության Հայկական Առաքելությունում՝ որպես ծրագրի ղեկավար: Նա ունի մի շարք հրապարակումներ միգրացիայի, ջենդերի և ցեղասպանության ոլորտներում: Հանդիսանում է Միացյալ Նահանգների Պետական Դեպարտամենտի և Բաց Հասարակություն Հիմնադրամի մի շարք կրթաթոշակների և դրամաշնորհների մրցանակակիր: Հասմիկի մագիստրական թեզը նվիրված է նախկին Խորհրդային Միության տարածքում բնակվող քաղաքացիության պատկանելիությունից զուրկ անձանց սոցիալ-իրավական հիմնախնդիրներին: