Ես ծնվել եմ Լիբանանում` Բեյրությում: Ես սովորել եմ Հայ ավետարանական ավագ դպրոցում, իսկ այնուհետ տեղափոխվել ԱՄՆ` Բոստոնի համալսարանում միջազգային հարաբերություններ ուսումնասիրելու:

Ավարտելուց հետո վերադարձա Լիբանան և մի քանի տարի աշխատեցի ՄԱԿ-ի զարգացման ծրագրում: Այժմ սովորում եմ Կոլումբիայի համալսարանում` միջազգային հարաբերությունների մագիստրոսական ծրագրով: Մասնագիտանում եմ տնտեսական և քաղաքական զարգացման, ինչպես նաև միջազգային ֆինանսների և տնտեսական քաղաքականության ուղղությամբ: Ավարտելուց հետո հուսով եմ մասնագիտական ուղիս կառուցել Եվրոպայում և Մերձավոր Արևելքում` տնտեսական զարգացման ոլորտում:

Լիահույս եմ նաև, որ կարիերայիս ընթացքում առիթ կունենամ աշխատելու նաև Հայաստանում: