Ծնվել եմ 1987 թ. Կալիֆոռնիա նահանգի Լոս Անջելես քաղաքում` պարսկահայերի ընտանիքում, ովքեր 1984 թ. գաղթել են Պարսկաստանից: Մեծացել եմ զույգ քրոջս՝ Թալինի և մեծ քրոջս՝ Անիի հետ: Նախնական կրթությունս ստացել եմ Բրբանքում՝ դպրոցն ավարտելով գերազանց գնահատականներով:

Սովորել և գերազանցությամբ ավարտել եմ Բերկլիի համալսարանը՝ ստանալով տնտեսագիտության և բիզնեսի բակալավրի կոչում: Հետո վերադառձել եմ Լոս Անջելես և 5 տարի աշխատել «Փրայս վաթր հաուս Քուփրս» և «Վարներ Բրադըրզ» կազմակերպություններում: 2014 թ. հունիսին մեկնելու եմ Հայաստան` Երևան՝ որպես կամավոր աշխատելու «Դեպի Հայք» կազմակերպության համար: Վերադառնալուն պես տեղափոխվելու եմ Բոստոն՝ կրթությունս շարունակելու Մասաչուսեթսի տեխնոլոգիայի համալսարանում: