Ծնվել եմ 1992 թ-ին Երևանում: Գրեթե մեկ տարեկան էի, երբ ընտանիքս տեղափոխվեց Մոսկվա: Առաջին դպրոցս Մոսկվայի թիվ 1530 վարժարանն էր:

Մինչ 9-րդ դասարանը փոխեցի ուսումնառությանս վայրը` ընդունվելով ֆիզիկամաթեմատիկական վարժարան` "Երկրորդ դպրոց", ուր սովորել եմ երկու տարի:

Հետագայում որոշեցի ուսումս շարունակել Անգլիայում` Ջոն Լեգոտի քոլեջում: Ինչևէ, արտերկրում սովորելու առաջին տարվա ընթացքում ավարտեցի նաև Մոսկվայի վարժարանը:

Այժմ ես սովորում եմ Լոնդոնի Համալսարանական Քոլեջում տնտեսագիտության ֆակուլտետում:

Միշտ հետաքրքրված եմ եղել մաթեմատիկայով եւ ֆինանսներով: Սիրում եմ երաժշտությունը, արվեստը, արթ-հաուզ կինոնկարներ, սպորտ եւ բազմաթիվ այլ բաներ: