Ծնվել եմ Ամերիկայի Միացյալ Նահանգներում` հայերի ընտանիքում: Մեկ տարեկան էի, երբ տեղափոխվեցինք Լիբանան, ուր հաճախել եմ Լիբանանի Համազգայինի Մելանքթոն և Հայկ Արսլանյան ճեմարան: Ճեմարանն ավարտել եմ 2007 թվականին գերազանց առաջադիմությամբ:

Այնուհետեւ ընդունվել եմ Բեյրութի ամերիկյան համալսարան, որտեղ տնտեսագիտություն եմ սովորել: Համալսարանը գերազանցությամբ ավարտեցի 2010-ին եւ տեղափոխվեցի Դուբայ:

Դուբայում աշխատել եմ «A.T. KEARNEY» խորհրդատուական ընկերությունում:

Սեպտեմբերից սովորելու եմ Չիկագոյի համալսարանի տնտեսագիտության մագիստրատուրայում:

Մշտապես եղել եմ հայ համայնքի ակտիվ անդամ, 8 տարի երգել եմ «Կարկաչ» երգչախմբի կազմում, վեց տարի եղել եմ ՀԲԸՄ սկաուտական շարժման անդամ: