Դիանա Խաչատուրյան

Դիանան միջազգային զարգացման բնագավառի մասնագետ է, ով յոթ տարվա աշխատանքային փորձ ունի զարգացման, նախագծերի ղեկավարման, դրամաշնորհների որոնման ու մշակման, ինչպես նաև ֆոնդահայթայթման բնագավառներում:
Նա «Լույսի» շրջանավարտ է և մագիստրոսի աստիճան է ստացել Դյուկի համալսարանում (ԱՄՆ)՝ միջազգային զարգացման քաղաքականության ոլորտում: Ուսման ընթացքում նա հետազոտել է տարբեր երկրների զարգացման գործում նրանց սփյուռքերի դերն ու նշանակությունը, ինչպես նաև բարձր որակավորում ունեցող մասնագետների շրջանաձև միգրացիայի դերը զարգացման գործընթացում:
Մագիստրոսական ծրագիրը 2011-ին սկսելուց առաջ Դիանան աշխատել է Հայաստանում՝ շահույթ չհետապնդող կազմակերպությունների ոլորտում: Նա ղեկավարել է բազմաթիվ միջազգային նախագծեր՝ մշակման փուլից մինչև իրականացում: «Լույսին» միանալուց առաջ նա աշխատել է « Freedom House»-ի «Արտակարգ իրավիճակներում աջակցման ֆոնդում» (ԱՄՆ, քաղաք Վաշինգթոն), որտեղ նա պատասխանատու էր եվրասիական տարածաշրջանում համագործակցային կապերի հաստատման և դրամաշնորհների մշակման համար:
«Լույս»-ում Դիանան զարգացման և դրամահավաքի ծրագրի համակարգողն է: Նա պատասխանատու է դրամագլխային ֆոնդի կայացման և դրամահավաքի իրականացման բոլոր ասպեկտների համար՝ վերահսկելով այս ծրագրերի զարգացումը, իրագործումը և համակարգումը: