Ծնվել եմ 1979 թվականի Երևանում: Հաճախել եմ Ռուբեն Սևակի անվան համար 151 դպրոց, այնուհետև ավարտել եմ նախ` Երևանի պետական հումանիտար քոլեջը, այնուհետև` Երևանի պետական կոնսերվատորիան` կարմիր դիպլոմով:

Ավարտելուց հետո մեկ տարի աշխատել եմ “Կենտրոն” հեռուսատաընկերությունում` որպես առավոտյան հաղորդման վարող, այնուհետև 7 տարի աշխատել եմ պետական համակարգի տարբեր կառույցերում (Ազգային ժողով, Աշխատանքի պետական տեսչություն, Սպորտի և երիտասարդության հարցերի նախարարություն):

Մոտ մեկ տարի առաջ ուսումս շարունակելու որոշում կայացրեցի` աշխատանքային ոլորտում գիտելիքներս էլ ավելի խորացնելու նպատակով: Համապատասխան ծրագրի փնտրտուքի արդյունքում կանգ առա Լոնդոնի համալսարանական քոլեջի առաջարկած մեկամյա Հանրային քաղաքականության մագիստրասական ծրագրի վրա: Լոնդոնի համալսարանական քոլեջի կողմից ուսանելու առաջարկ ստանալուց հետո` 2011 թ., արժանացա “Լույս” հիմնադրամի կրթաթոշակին: