Գլխավոր - Լույս Հիմնադրամ
ՀՀ, Երևան 0010, Բուզանդի 3 +37412400004

ՍՈՎՈՐԵԼ. ԳՈՐԾԵԼ. ՀԱՄԱՍՏԵՂԾԵԼ

«ԼՈՒՅՍ» հիմնադրամում առկա է տնտեսագետ-հետազոտողի թափուր հաստիք


26-04-2022

 

«ԼՈՒՅՍ» հիմնադրամի տնտեսագիտական հետազոտությունների թիմում առկա է փորձագետի թափուր հաստիք: Պահանջվում է տնտեսագետ-հետազոտող, ով ունի միջանձնային և հաղորդակցման հմտություններ, թիմում աշխատելու կարողություն, պատասխանատվության բարձր զգացում:

Աշխատանքային պարտականություններ

  • իրականացնել տնտեսագիտական հետազոտություններ և վերլուծություններ ՀՀ տնտեսության արդի թեմաների շուրջ,
  • պատրաստել ուսումնասիրություններ ՀՀ վիճակագրական կոմիտեի կողմից հրապարակված մակրոտնտեսական ցուցանիշների, միջազգային կառույցների կողմից հրապարակված ցուցանիշների և ինդեքսների, ՀՀ պետական բյուջեի, համայնքային բյուջեների, ինչպես նաև դրանց կատարողականների վերաբերյալ:

Անհրաժեշտ որակավորումներ

  • բարձրագույն կրթություն տնտեսագիտության, մաթեմատիկայի կամ վիճակագրության ոլորտում,
  • առնվազն 1 տարվա աշխատանքային փորձ ֆինանսների կամ տնտեսագիտական հետազոտությունների ոլորտում,
  • հայերենի, անգլերենի և ռուսերենի գերազանց իմացություն,
  • մակրոտնտեսագիտության և էկոնոմետրիկայի խորացված գիտելիքներ,
  • Microsoft Office-ի, հատկապես` MS Excel-ի և MS Word-ի գերազանց իմացություն,
  • վիճակագրության, էկոնոմետրիկայի ծրագրային փաթեթների, մասնավորապես` Eviews-ի, Stata-ի, SPSS-ի տիրապետում

Դիմումների ընդունման պայմանները 

Դիմողները կարող են իրենց ինքնակենսագրականը (CV/resume) ուղարկել jobs@luys.am էլ. փոստի հասցեին` նամակի թեմայի (subject) դաշտում նշելով «Տնտեսագետ-հետազոտող»:

Ներկայացված պահանջներին համապատասխանող դիմորդները կհրավիրվեն առաջին փուլ հարցազրույցի նախքան հայտարարված վերջնաժամկետի ավարտը՝ ս.թ. մայիսի 26-ը: