Մեր հիմնական մարտահրավերը ուղեղների շրջանառության ու լավագույն փորձի ապահովումն է: Պարզելով հայաստանյան ընկերությունների, սկսնակ կազմակերպությունների, Հասարակական կազմակերպությունների և այլ հաստատությունների կարիքները` բացված հնարավորությունները համադրում ենք "Լույսի" շրջանավարտների հմտություններին ու որակներին:
"Լույսի" աշխատանքային արշավը Հայաստանը դիտարկում է որպես հնարավորությունների երկիր սկսնակ կազմակերպությունների, կարիերայի զարգացման ու կյանքի որակի ապահովման համար:
Աշխատանքային արշավի արդյունքում Հայկական աշխարհի ռեսուրսները համադրվում են Հայաստանի տնտեսության, աշխատաշուկայի ու նոր ձեռնարկությունների հնարավորություններին:
Հայաստանի տնտեսությունը դեռ ձևավորման փուլում է, մի շարք ոլորտներ զարգացման կարիք ունեն, որոշ բացեր էլ` լրացման: "Լույսը" վերլուծում է շուկան` մատնանշելով պահանջված ոլորտներն ու առաջատար բնագավառները:
Դա նպատակ ունի արտերկրի հայ երիտասարդներին որակյալ աշխատանք առաջարկելու մեր երկրում: "Լույսի" բազմաթիվ ուսանողներ արդեն իսկ հաստատվել են Հայաստանում, ապրում ու աշխատում են այստեղ:
Հայաստանից անդին
Տաղանդավոր ու կրթված հայ երիտասարդները յուրատեսակ խթան են արտերկրի ձեռնարկությունները Հայաստան բերելու և հայկական ընկերությունների մասնաճյուղերը արտերկրում բացելու հարցում: Նրանք ապահովում են տնտեսությունների "խաչաձև փոշոտումն" ու ակտիվորեն կառուցում Հայկական աշխարհը: Ցանցերի համակարգերը միասնաբար են գործում:
Համագործակցություն
"Լույսի" աշխատանքային արշավը համագործակցություն է հայաստանյան մի շարք կարևորագույն կազմակերպությունների միջև: Դրա նպատակն է ձևավորել աշխատանքային կուռ կոալիցիա, որը միավորվում է աշխատանքային արշավի շուրջ` հանուն մեր երկրի զարգացման: