ՍՈՎՈՐԵԼ. ԳՈՐԾԵԼ. ՀԱՄԱՍՏԵՂԾԵԼ
Հարավային Կովկասի հիմնական խաղացողների շահերն ու «անկեղծության շաբաթը»
«Ամերիկյան հետազոտությունների հայկական կենտրոնը» իր վերջին հրապարակումներում, այդ թվում նրանցում, որոնք հրապարակվել են «Լույս» հիմնադրամի կողմից, պարբերաբար քննարկել և վերլուծել է Հարավային Կովկասում հիմնական խաղացողների՝ Ռուսաստանի, Թուրքիայի, ԱՄՆ-ի և Իրանի միջև մրցակցությունն ու նրանց շահերը: Առանձին դիտարկման առարկա են դարձել Վրաստանում տեղի ունեցող վերջին զարգացումները` որպես Ռուսաստանի և ԱՄՆ-ի միջև ակտիվ մրցակցության ցայտուն օրինակ: Անդրադարձ է կատարվել վերջին շրջանում ԱՄՆ ակտիվ քաղաքականությանը Հարավային Կովկասում՝ ընդհանրապես և Հայաստանում՝ մասնավորապես: Հաշվի առնելով այս մրցակցության առանձնահատկություններն ու վերջին օրերին միջազգային խաղացողների աննախադեպ ակտիվությունը` ներկայացնում ենք սույն հոդվածը, որը նպատակ ունի հասկանալ զարգացումների հետագիծը, ինչպես նաև հիմնական խաղացողների շահերն ու դրանց հակասությունները:
